قولي تم يايمة

يُمه ... هَيّن ...!!
الهوى بعيون بنتك صار بيّن ...
ما يبي له من يعَلم ...!!
وصاحبي بالعشق أُستاذ ومُعَلِم
كيف اخبي ...؟!إنتي من جِدك يا يُمه ...؟

وانا بنوته
وقلبي وردي ... وصغَـيّر ... ولَيّن
ايه احبه ...!!
يعني هذا اللي تبينه ...؟!
كيف اخبي وهذا دربي ...؟!والهوى مكتوب من ربك وربي

يوم شفته
متكشخ ... ومتعطر ... ومتزين
طاح كاسي
فدوته راسي ... وناسي
مو بكيفي ...!!
يُمه جنني بـ حنانه
ما يخون
الهوى عنده امانه
وريحة انفاسه دخون
مو طبيعي هالولد من جد يُمه
فيه ذوق ... وفيه شوق ... وفيه للعشاق عوق
يُمه يسلم لك حبيبك
والله نَسَاني حليبك 00أيه ورب الكون يُمه

يُمه لو تدرين عنه ...
قلتي لي فالك حبيبك
ايه احبه
ايه يمه
ايه اموت برعشة شفاهه واذا يسمح الَّـمّه
سامحيني لو حلفت إني لَـ " لِـمّه "
مو بكيفي
وضحكته خمري ... وكيفي
مو طبيعي
هالولد عمري وربيعي
وفوق هذا صار شاعر ..

*****
والله فعلاً مو طبيعي
إن عشق كله جنون
وإن حكى كله فنون ...
على راسي ما يهون
إيه يُمه
إيه احبه
واعصر ضلوعه واضمه
وانتشي من ريحة انفاسه ... " واذا يسمح اشمه"

*****
خلى لعيوني كثير من البنات ... على شاني
خلى لمى وخلى لمياء وخلى خولة
ايه يُمه
وخلى اسماء بنت خاله ...
وخلى سارة بنت عمه
اللي ابوها اخو ابوه ... ودمها هو نفس دمه
باعهم لعيون بنتك ... واشتراني ...
شفتي يُمه ...؟!وآنا اراه إنه غرامي ... وهو بعد مثلي يراني .

قال لي مَرة اناظر ...
قلت حاضر
يا الله ناظر
يوم ناظرني بكيت
ما تحملت الهوى بعيونه السوداء وشكيت

*****
قال :ابوسك ...؟!
قلت :تعقل ... وإلا احوسك ...؟!
قال :انا اقصد على السنة
قلت: ليت
قال :والله لآخذك قدام اخوك ...
بعد ما تربط يديني في يدينك بأمر ابوك
قلت : تبطي ...؟!
قال : لا لا
قلت : لو ابطيت جيتك
قال يسلم لي وفاك ...
قلبي قلبك ... وبيتي بيتك ...
لعن ابو من خان عشقك
وما حفظ عهده معاك ... وما رعاك ...
وما تذرى ظلال خصرك وقت صيف
وما دفن نفسه بحضنك وخذ دفاك
وإن خطبني لا تردونه يا يُمه ...
آنا ابيه
قولي ( تم )لا تخلين العُمر يمشي الم ها يا يُمه ...؟!
قولي ( تم )



منقول

دوختيني بعذب الكلام

أبيات جدا جدا رائعه

وأحاسيس مرهفه وشاعريه

يعطيك ألف عافيه يا قمر

حاسة فيك
شعر يذوب صح !!
مثل حضورك بمواضيعي
بجد مشكورة عزيزتي الحب الوردي